Skip to main content

Perrera Carballiño

As probas da infamia

24-06-2009 - Estas imaxes fan parte das fotos, de autoría descoñecida, que alguén nos achegou así como a diversos medios de comunicación. 

Seica foron tomada no mes de xuño e teñen menos de 10 días.

Nelas pódese apreciar o "hotel cinco estrelas" no que, segundo afirma algún politico do goberno local, viven os cans da Medela.

 

Carballiño - mais represaliados

23-06-2009 - Hoxe soubemos que tamén está sendo expedientado un concelleiro da oposición, do concello do Carballiño. Os motivos son os mesmos polos que se lle iniciou expediente ao portavoz desta asociación. Así que nos estivemos informando do que di a lei sobre o asunto.

Como dicíamos no artigo anterior, nin nos nin ninguén con dous dedos de fronte, pode creer que teñamos posto en perigo o seguridade cidadán. Mentres,  quen pensamos que sí podería ter violado (ou foi inducida a violala) a mesma lei que nos pretenden impoñer, foi a Policía Local do Carballiño.

Represión no Carballiño

22-06-2009 – Acabamos de recibir a notificación. Nada menos que da Subdelegación do Goberno. Aplícannos a Lei Orgánica 1/1992 sobre protección da Seguridade Ciudadana.


Aquela que fala das armas, explosivos, etc. No noso caso, por unha suposta “infracción leve” por “alterar la seguridad colectiva u originar desórdenes em las vias, espacios o establecimientos públicos”.


Denuncia: A Policía Local do Carballiño. Feito inédito nunha Vila onde hai enormes problemas de seguridade, tráfico, irregularidades urbanísticas, xestión dubidosa de fondos públicos, incumprimento de acordos do pleno por parte do grupo de goberno, etc..

Á xente honrada do Carballiño

08-06-2009 - Votos en branco e nulos no Carballiño: 97.

28-05-2009 - Co gallo das elección europeas queremos lembrar á xente honrada da nosa comarca que, na canceira da Medela, seguen estando moitos animais, bos e leais, que viven nun auténtico campo de concentración.


Nunca saen de paseo, dormen o ano todo no cemento, pasan frío no inverno e calor no verán, non teñen quen lles faga unha caricia, beben auga quente no verán e no inverno non a teñen porque se conxela.

Comsión de in...ación

20-05-2009 - Tralos portentosos dribles que o grupo de goberno está dando a formación da comisión de investigación sobre a canceira e a morte mais que sospeitosa de mais de cen animais, e trala posibilidade de que o fracaso de unha moción de confianza teña levado ao Sr. Alcalde do Carballiño a se desdicir das súas ameazas de presentala, e tralas probas de que unha comisión de investigación sexa mais que legal a pesar das “pegas” esgrimidas para impedila, agora os grupos da oposición presentan as suas preguntas sobre o asunto.

Queixa ó Valedor do Pobo

13-05-2009 - Co gallo da prohibición de que entremos na canceira municipal, imposta polo sr. Alcalde de maneira que consideramos discrecional, autoritaria e sen amparo legal, por non se axustar á lei procedemento administrativo, presentamos queixa diante do Valedor do Pobo.


A mesma foi admitida a trámite e así nos lo comunicou con data 07 de maio e que recebemos o día 12.


Ó marxe de que consideremos tal prohibición unha inxustiza, tamén está o feito de que  sospeitamos que as verdadeiras razóns de tal prohibición son impedir que se saiba

Cortinas de Fume (Do Concello)

07-05-2009 - Concellos onde o PSOE pide "comisións de investigación"...  e normativa que as ampara (ver ao final do artigo e documentos adxuntos: 1, 2, 3, e 4).

05-05-2009 - O Sr. Alcalde e demais implicados, estiveron traballando, e seguirán a facelo, para que a comisión non se leve a cabo.
Se non se podía facer unha comisión de investigación o momento de avisar era antes do pleno no cal se acordou a mesma - no que eles, nun xesto fariseo, tamén votaron a favor - non esperar ó mesmo día en que se iniciara a  comisión e parar todo de novo.
Os motivos reais son outros.
Primeiro sacaron unhas “pseudo explicacións” na prensa, coa intención de ridiculizar a quen llas pedira e pensando que esa información non ía ser contrastada

Convocada comisión Canceira

30-04-2009 – Despois de 15 días, durante os cales estivemos diariamente fronte ó Concello do Carballiño, esixindo que se forme de unha vez a comisión acordada o día 26 de marzo polo pleno, en votación unánime, para investigar a fondo todas as irregularidades acontecidas na canceira do Carballiño, e sobre todo, a morte inxustificada de mais de cen cans, finalmente, no día de onte, o Sr. Alcalde presidente da corporación, tivo a ben iniciar os traballos o luns día 4 de maio.


Esta primeira reunión fora marcada para o día seguinte ao do pleno, e dicir, para o dia 27 de abril, o que significa que se convoca con mais de un mes de atraso. Ademais convócase para as 9 da mañá, unha hora inusual e que,

Dez policías armados.

23-04-2009 (Actualización) - Vimos as "explicacións" dos municipais, no canal 26, e dicimos:Identificar a quen non está molestando a ninguén e se coñece de toda a vida, solo pode ser coa intención de provocar .

Si había dous gardas facendo a identificación ¿por qué viñeron outros tres? ¿é que os primeiros non saben pedir o carnet eles solos?.

Se a pancarta "non tiña problema" ¿por qué nos la quitaron? ¿tamén para provocar?.

Si os Garda Civis estaban "de paso" ¿por qué tamén apuntaron os nosos datos e asitiron ao cacheo do coche? ¿non "confiaban" no traballo dos municipais?.

Non vai haber comisión de investigación

18-04-2009 - (Ou eso pretenden...) Onte día 17 estivemos no despacho do alcalde.
Despois de nos facer esperar o que lle deu a gana ó final pillámolo no corredor e tivo que nos atender.
Hoxe puidemos ver como un alcalde, que debería ser exemplo de respecto á lei, se ría na mesma cara de un concelleiro da oposición, cando lle lembraba que había que reunir a comisión de medio ambiente, cada quince días, por acordo do pleno.


Cando lle reclamamos que debería formar a comisión de investigación para aclarar a masacre que eses “valentes” fixeron cos pobres cans, respondeu, tamén rindo e con o maior cinismo, que andaba con outros asuntos “mais importantes” e desafiou a ese concelleiro a “que presentara unha moción de censura”. Non queremos imaxinar

Distribuir contenido